الشاعر صبحى الامام الامام عتمان - الجـنسية مصري

الشاعر صبحى الامام الامام عتمان - الجـنسية مصري
محل الميلاد . مصر . محافظة المنوفية . مركز قويسنا . قرية بجيرم
محل الإقامة . مصر . محافظة القاهرة
نماذج من كتاباته
---------------------------------------
برغم الظلم عاشقينك
بحبك ياوطنى
بكل اللغات
بحبك ياوطنى
بعمرى الى جاى
وعمرى الى فات
بحبك يا وطنى
بكل الحروف
بحبك برغم
إنى عايش
فى خوف
بحبك برغم إ نى
عايش سجين
بحبك ياعمرى
يا كل السنين
بحبك ياوطنى
بكل المعانى
بحبك برغم
انى عايش بعانى
بحبك ياوطنى
يا احلى الاغانى
بحبك ورغم ان
خيرك كتير
وبخلان عليا
وعايش فقير
ورغم انى حاميك
وروحى فداك
مبهدل كرامتى
وروحى فى هواك
برغم انك
دايس الغلابه
وكارم الديابه

برضه بحبك
وبدوب فى حبك
ودينى فى حبك
---------------------------------------
أشمعنى بس فى أرضنا
أرض العرب والمسلمين
مكتوب علينا كل انواع
المهانه والشتات
والاقصى بيأن
فى سكات
والكل صيباه
الكاّبه والخرس
مكتوب على
الكل السكات
مكتوب على
الكل الممات
قتلانا كل
أنواع الاّهات
وفى أرضنا كم
الف مات
ولسه فى أرضنا
بيكرمو فى
الفنانات والرقصات
يا كل انواع الاّهات
ياكل أم اتشردت
واتمرمطت
وأبنها مات
حكامنا باعو
أرضنا وعرضنا
صابهم خرس
صابهم سكات
يا كل حكام العرب
ملعون ابو الخوف
ملعون ابو السكات
كفايه ذل فى أرضنا
أرض الممات.
---------------------------------------
ياشمس وأ نتى مروحه

ياشمس وأ نتى مروحه
عدى على ألأ قصى
بوسى الماّ ذن والحيطان
وقوليلو مش هنسى
ووصليه دمعتى
وقوليلو مش هنسى
أنا لو بأيدى ياقدس
لروحى كنت أنسى
كتا باتى كلها ليك
وبروحى انا افديك
ياشمس وأنتى مروحه
مسى على ألأ طفال
وقوليلهم ياشمس أثبتو
أنتو بقى الأ بطال
بتحمو عرض ألأمه
لما باعو الأ ندال
يا شمس وأنتى مروحه
بوسى أيدين حرائرنا
وقوليلهم أثبتو يا شمش
ويغفرو تقصيرنا
هما بيحمو العرض
وبيحمو كمان دينا
واحنا تعبنا ياشمس
وحكامنا خذلنا