الشاعر سيدعبد الغنى عبد الصمد - الجـنسية مصري

الشاعر سيدعبد الغنى عبد الصمد - الجـنسية مصري
محل الميلاد/ مصر - الاقامة/ الاسماعيلية - مصر
العضويات كثيرة منها
رابطة الادباء العرب
مكافحة السرقات الادبية
مجلة سواربينا الادبية
مجلة فرسان الكلمات
جمعيةعزف الاقلام العربية
جمعية ابداع الثقافية
منتدي حرف ولون
بستان الحروف
الجمعية العامة للكتاب والشعراء العرب
رابطة الكتاب العرب علي الفيس بوك
مؤسسة زيدان
رابطة شعراء العامية المصرية
----------------------------------------------------
نماذج من أشعاره
----------------
لحظة
...
باخدك ف حضنى وانام
ف الصبح
باتولد منك
مع انك..
كل مرة بترفضينى
ويعدى عليا الشوق
يلمحنى...
اتسرق منك
تدوبى طحين عمرى
ف فنجانك
تشربينى
تسقينى من نهدك
زلال
وايه ٱخرة الترحال
غير انى انط لفوق فالسما
امسك النجم المحال
وف الليل
اخدك ف حضنى وانام
واخبى النجم تحت
باطاطى
وبحس عالي
وصوت واطى
اغنى..
الدم ضارب ف النافوخ
ومعللى فيه الضغط لكن
لحظة مااحس انى بادوخ
بالاقيك ف القلب ساكن
----------------------------------------------------
عراف حارتنا
...
عراف حارتنا
بقاله يومين مابيعديش
على قهوتنا
ولِسَّانا قاعدين نلعب
شيش بيش
بنشرب الدنيا والشيشة
وننتف الحلم
ريشة ورا ريشة
ونغنى موال بالعربى
تقتلنى عيونهم
وبالعربى
ما انا اصلى شاعر
باغنى بالموال
وف كل حارة وشارع
وف كل بيت
غنيت
القلب كان صبى فرحان
عدت عليه الليالى
صبح حجر صوان
وعلمتنا الاغانى
ازاى نكون حزانىَ
وبرضه ازاى نِفَرَّح
الاطفال
وعلمتنا الكتابة
انه مابين الكلمة والكلمة
لازم نسيب مسافة
يعنى فراغ
ودايما نفرق مابين
الضمة والفتحة والكسرة
ونْسَكِنْ
ف الدماغ
علمتنا ازاى الكلمة
تبقى سيف بيدبح
وازاى بتجرح
وبرضه ازاى
تبقى بلسم للجروح
علمتنا الكتابة
ازاى نكون
واقفين
مشدودين
اوملمومين
اوملفوفين
على بعض
النبض ويا النبض
وبين السكوت والكلام
تطلعى فجأة بالفاصلة
وبعديها بالنقطة
وتقولى خلاص
خلص الكلام
ماتسيبينا شوية
يمكن نتعلم
بدال مااحنا بنتألم
واحنا بنتهته ف الحروف
وبيقع مننا
كلنا
حروف اسمها
واسمنا
علمتنا الكتابة
نجمع الحروف
الحرف يشد الحرف
يحارب الظروف
يعدي يمحى الخوف
----------------------------------------------------
صبح وليـــل
...
ولياليا بتحبل بالنهار
تتولد فوق جبال الاسى
تحت اشجار الدمار
عيون بتنحت ف الوشوش
وتعلم......
على كل الرؤوس
احلام بنات حارتنا
وتدور ع الصوانى
بينحنى رسمك
حين تنتهي الحروف
وبتفضل رغبتي والصدى
رغم انواع البقع
والوان الملابس
وتداخل المسائل
بين الزوايا

رغم كون الدايرة.....
صبحت مربع
والمربع.....
تاه بين ضلوعه المساوية بعضها
وابتسام الفجر حين
يصَبَّح
الندي ع الطريق
بالاقينى
قصيدة خايفة تخرج
ولسان خايف يتكلم
وتعلم.....
صوابع كانت رمان ف الكف
فوق خد اليتيم مرة
ولابكرة
يقدر يمحى الذكرى
سيف ولسان فايت ف الدهاليز
وعيونى ..
على قد البصة .... بتكتب
كل لغات العالم...تكدب
تدخلنى عيون
شبابيك الزمن المحزون
وافتح ايديا
وارسمك
مابين خط الحياة وخط الامل
وتتوزع رسوماتى
علي كفوف البشر

» الشاعر سيدعبد الغنى عبد الصمد - الجـنسية مصري
» الشاعر صبحى الامام الامام عتمان - الجـنسية مصري
» الشاعر مصطفى محمد عطيه - الجـنسية مصري
» الشاعر رمضان عبد الصمد بر . مصر
» الشاعر مصطفى محمد عطيه - الجـنسية مصري