السيرة الذاتية

........ التعريف بالشاعر .........

الإسم .. معوض حلمي على
تاريخ الميلاد .. ٤ / ٥ / ١٩٦٦
من قرية منشأة بطاش .. مركز تمي الأمديد .. دقهلية
عضو نادي أدب السنبلاوين
عضو مؤسس لساقية منديس الأدبية بتمي الأمديد
عضو مجلس إدارة رابطة شعراء العامية المصرية
عضو الرابطة العربية لشعراء العامية
وعضو اللجنة المنظمة لمهرجان أم كلثوم للأدب والفنون والتراث كل عام
ضيف دائم على قناة الدلتا الفضائية وبرنامج كلثوميات
وقناة مصر الحياة برنامج الجمهور العربي
وضيف دائم على أكبر الصالونات الأدبية المتخصصة في مصر
فائز بالمركز الأول في مسابقة جمعية إبداع الثقافية
ومسابقة بيت الأدباء والشعراء جريدة الجمهور العربي
له ديوانين مجمعين بالتعاون مع مجلة همس مصر للثقافة والفنون والآداب
وله ديوان إلكتروني يحوي أربعون قصيدة بين عامية وفصحى
وجاري التحضير لطباعة سبعة دواوين من أعماله الأدبية المختلفة
1.. حكاوي المصاطب .. عامية
2.. قلبي إمام .. عامية
3.. بدون تصريح .. عامية
4.. عنقود مشاعرك .. عامية
5.. مسنى الشوق .. فصحى
6.. رباعيات الفلاح الفصيح
7.. مربعاتي حياتي

....

يامعشر الشعرا ياواحة التنوير
يالا نكتب حكم تدعو ...... للتغير
نراعي بيها ظروفنا وننسى خوفنا
من حد يكرهنا أو حد .... بيغير

وجعنا غز الذنب ضعنا ...... سوا
وبإيه يفيد العتب قلب انكوي
قبل اما نجرح في القلوب نتعلم
الجرح لو علم مالهوش ...... دوا

حرفك عليل ياولد إيه اللي صابك
مش كنت زي الوتد عزم لصحابك
ماتقولي إيه غيرك نساك عوايدنا
هات لنا عيدنا رجع ..... وصالك

النيه لو عوجه بتزود الأوجاع
والكلمه مسروجه محتاجه لشراع
يوصل مراسيها ويعدي بيها النوه
عشان تزيد قوه وتغير الأوضاع

الكلمه زي الدهب بين محاسنها
عبيها جوا الكتب بعد أما توزنها
وخلي إسمك عليها آيه ومرايه
والخلق قرايه تغلي اللي يوزنها

الكلمه ممكن تصدى ويضيع بهاها
حاجي عليها وعدي ، سنفر صداها
إياك تخاصم وحي ......... إلهامها
وتسيب لجامها لشيطان غواها

الكلمه فاسك عزك ...... وناسك
باقيه بعدك ...... دهبك وماسك
دي موهبه ورب العباد وهبك
إرويها نهمك ونبض .... إحساسك

ياعم أصغر ناموسه بتغلب العنتيل
والحرف نور يسرج ضلام الليل
لو خدت بالك من حروفك أولي
راح تبني دوله بالحق مش تهليل

الميه والخضره سبب أصيل للرعي
سكة الشهره عايزه التعب والسعي
وكلمة التنوير تملى العقول بالنور
تفتح بيبان الدور وتنشر الوعي

وحلفت مااكتب كلمه ..... مؤذيه
هاعمل حروفي جسر .... ومعديه
واقيم ع الجهل الف حد ...... وحد
ادفن حالاته ف لحد وامشي ع النيه

كلنا شعرا ولكل شاعر .... معني
والكلمه تبني وطن بالحب يجمعنا
مد إيدك لإيدنا نلحم اللي إتشق
يكبر براح الحق .......... ويساعنا

الكلمه زي الوتد والخيمه محتاجه
تداري عيب الجسد من نظره غناجه
نلم بذر القيم ونبدره ف روحنا
يطرح نغم بوحنا بقصيده وهاجه

الحقد نار قايده والكلمه تطفيها
ليها ميت فايده سر الحياه فيها
(عيسى نبى .......... موسى نبي)
وسيدنا النبي زاين ....... معانيها
..............



..... آخر نبض .....

كنت سارح بين غيطان الأمنيات
كنت طاير ، زي العصافير ع الشجر
فجأة حسيت بالسكات
كنت باحلم بالفجر يطلع شقشقه
والليل معاند رافض شعاع الشمس
سرسب الإحساس شقى
واتخطف ضي العيون
كل الوشوش رغم إختلاف اللون
باشوفها باهته معتمه
ساعة الوجع كل الملامح قاتمه
شكل الفرح بقى ضيف عزيز
والجلد كرمش من مرار الإنتظار
والدم فار م الاورده بلغ فرار
مالناش نصيب في الإختيار
والقلب مش عارف يعيش
رمينا زهر الآمنيات طالبين جوهار
وجالنا شيش
وإزاي أعيش وأمد ريش
والريح معانداني
وبذرة الأحزان عفيه
ونبتها شيطاني
ومين اللي وداني لشلة المحاسيب
وانا الغريب اللي خوفي غطاني
ضاق المدى والدمع أصبح مستباح
وإزاي نطير من غير جناح
حتى الصباح اترسم وهم وخداع
مين اللي باع ..؟
وإزاي يساع الكون قلب اترعش م الخوف
صوت الدفوف اتوشم في وداننا موت
فتح التابوت ، مستني آخر نبض
والجته رافضه الإنهزام
رافضه طلوع الروح
طلعت تدور ع اللي باقي
ف مخلة الدراويش
ملقتش غير تناتيش وجع
وحبة امل للبيع
فرت الكراريس يمكن وقع
بين السطور لبن الرضيع
مات الربيع قلب الخضار لبوار
دار ع المدار الساقي
صوت السواقي لم البواقي نفير
والأرض شقت م الشراقي
نشفت دموع البير
...............


....... سوبيا .. سوبيا .......

..................................

سوبيا .. سوبيا
انا واحد بياع سوبيا
وعندي الطعم الاصلي
مين يشتري مني ..؟
المشروب حصري
بدم معتق من سوريا وليبيا
سوبيا .. سوبيا
انا واحد بياع سوبيا


وطلعت أصور في الواقع
شوفت مواقع في الصوره
بقت محظوره
ومحذوفه بشرطه
وسوريا بقت أطلنطا
وجابوا لنا خريطه وبالعربي
للوطن العربي على الحيطه
مرسومه أونطه
جواها الناس أشباه ناس
وعقولهم محشيه بلوبيا
سوبيا .. سوبيا
انا واحد بياع سوبيا

ومعايا السنه على الشيعه
لتنين شربوها خديعه
والفكره شنيعه
والحرب الدايره فظيعه
في اليمن المقطوع شريانها
لحد ودانها
غرقانه ف حوسه
يابت يادوسه
بقينا بطاطس مهروسه
في قعر الخلاط
ورمونا ككسر بلاط
ورجعنا لعصر الوطواط
والضلمه لواط
ومشانق منصوبه على السيبيا
سوبيا .. سوبيا
انا واحد بياع سوبيا

ومعايا مكايد مرصوصه
م الدار البيضا لسوسه
من مسقط للمحروسه
والوطن العربي الهايم
هربان من حلمه ونايم
بتزن على ودانه ناموسه
وربيعه مكانش مفاجأه
كات خطه ومدروسه
وجواسيسهم مدسوسه
نشروا مابينا الفوبيا
سوبيا .. سوبيا
أنا واحد بياع سوبيا

عبوا لنا الأوهام في قزازه
وشربنا بكل لذاذه
دمنا سايل نازل طازه
ودواعش مننا فينا
مفاتيحهم في إيدين أعادينا
ماتقوم يامراكبي وعدينا
ملينا أنين وأكلنا الطين
وسنين كوبيا
سوبيا .. سوبيا
انا واحد بياع سوبيا

ومعايا نصيحه بذمه
الأقصى بنادي الأمه
القدس ياأهل الهمه
إيجى المحتل ودنسها
هدم معالمها وداسها
والناس اهو مات إحساسها
كالسمك المحبوس في الجوبيا
سوبيا .. سوبيا
انا واحد بياع سوبيا

يامتاهه وتواهه وهوجه
وحدودنا بيرسمها الخوجه
سهانا واكلنا النوجا
عبي لنا الخيبه ف قرطاس
نيمنا على وداننا وهاص
والوطن العربي أهو لاص
مات الإخلاص يازنوبيا
سوبيا .. سوبيا
انا واحد بياع سوبيا
......................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية

فــــــــي عـــــــهـــــدي
_______________
فـي عهدي كنـتي تقولين
هــي أحــلى أيــام السنين
تــفـتخري دايماً بالحنــين
وبـالحب كــنتي تــسألين
كــنا نــمشي ونمــشي
والــسعاده تـعطر الجبين
يـالــها مـن أيام حـــلــوه
وكـــنـــتــي تـــقـــوليـن
مــــــــاذا إنــتــــي الآن
يـــا زهــرة الـــياسـمــين
ياشمـعة تـنور المــياديــن
ياخفت دم تجذب الناظرين
أيـــــــن عــــهــــدك الآن
يـــا كحــيلــت العيــــنــين
يا بلـسم جـراحي السنين
تــشكـين الآن من الآنــين
والشيـــب يـــملأ رؤســنــــا
هــل كنــــتـي تحلــمــيـن
أعــترفـــي إنــــتــي الأن
ياشاطــئي يابحر العاشــقين
يــا لــوعت الحب اللــي راح
ياندم علي الأيام والســنين
إنتي العروق والدم والشرايين
الشاعر سمير فرج شادي..

قصيدة (( تعظيم سلام ))
إنتي أمي
جوه دمي
ســلام ليــكــي
يا أمي
وسلام لأحبابـي
اللــي حــاضر
واللي غــايب
واللي غني
في الميدان
واللــي شفته
ماسك العلم
وبعـملك تعظيم
سلام
خــلــي بــالك
إنــتــي جـــوه
قــلبي تـمـام
مــش هــفـرط
فـيــكـي
ولا أسلم علي
الـجبـان
أصـلـه عايــزك
إنــتـي تــكــوني
فــي خبر كـان
مـــن زمـــان
وإنـــتــي في
حضني
ولا أخـــشي الكلام
صوتك في أذني
أسمعه
تحيا مصر للسلام
أوعــي تبــكي
ولا تــخــافي
ولا حتــي تخشي
الجبان
خليكي صمته زيي
هرامـك
إنـتــي كــنتـي
من زمــان
رافــعه رأســك
زي الأسد
فــــــي كــــــل
مـــــكــــان
أوعــــي يـهــزك
ريـــــح
ولا يــهـــزك
جــــبـــان
إنــتــــي ربــيتــي
أجــيالك
عـــلـــي الـقـوي
والسلام
بـــس وقـــــــت
الـــشـــدة
تــــعـــرفي إنك
في الأمام
وتصــدي كـل عــدو
جــالك
مـــهــما غــاب
عـنه الكلام
أفــرحــي وقــومي
يـــلـــه
نــطــلـع لأمام
لما تشوفي
أولادك حواليكي
يا امي تفرحي
إنتي ماشية في
طريقك
والــكـل يـضــربلك
تــعظيم سلام
مـهـمـا عـمـله
إنـتي فيكي
الصــبر والأمــان
لما تـخلي
كــل واحـد يسمــع
صوت الأذان
صــوتــك بيهز
كــــيــاني
مــن زمــان وإنــتي
عـارفه
دول شويـة فيران
بيدخله الجحور
ويــعمله اكمان
زي زمان
خلي بالك أحنا
صاحيين مــعــاكي
ولا نخشي الجبان
الشاعر سمير فرج شادي.

إمسكـــــــى قلبك وأعطينـــــــى
مـفـتـاحــه
أهز مشــــاعره برمش العــــيـــن
مداحـــــــــه
فـا أنا أعيش مع قلبك اللى مــعــى
مفتاحه
مابين قلبـــى وقلبك كـــــلام كثير
مراحـــــه
رودى عليه وخلــى كلامك بلسم
جراحـــــــــــى
لسه معى كـــــــــلام كـــــتير من
مداحــــــــــى
أبــدء كلامـــــــــــــــــى بـحـبك
مراحــــــــــــــى
مابـيـن شــوقى وحنـــــــــــــانى
تداعبنـــــــــــى
تــهــتــزمــشــاعــرى نــحــوهـا
وأقولــــــــــــى
وبين زراعيكـــــــــــى وياديكي
أحتمــــــــــى
أشعر بالــــمس الشوق يخرج من
شفاتيكى
وكمان رمش العين تهـــــــــــوى
بيديكــــــى
شوفى حواجبك كامثل الحوت فى
البحــــــرى
وأشوف خدودك كامــثل الورد فى
الزهرى
أرى رمش عيونك بالمســـــــكره
تهـــــدى
يا حلوة الـعيـنيـن خلى بالك مــن
عـــــــــهدى
أصــل فـــؤادى بداخلـــــــــــــى
لم يهــــــدى
حرام عليكى إنــكــى فـى الـحب
لم تـــــــهدى
أمــسك بقلمــى وأشوف خــيــالك
شفـــــــــافى
وأرســل لــكــي حبــــــــــا كان
شافـــــــــــى
لــعلــي يحتمى قــلــبــى بــقــلبك
وأشافــــــــــــــى
مــن مــرضــا أســمــه حبــــــــــا
وأعــافـــــــى
الـــشــاعر ســمـيـر فرج شادي

عــــــــود حــــــــبيبى
ــــــــــــــــــــــــــــــــــــ
حـبيبى مـتى
الوصـول
دا الـقـلب حائر
مـحصور
وشـوف الـبال
مشغـول
بصوتك تحيا
الـصدور
مـن لـنـا غيرك
حامول
ودك عـلـيـنا
عــطــور
والحب صادق
معسول
من لنا غيرك
صبـــور
متى يالحبيب
الـوصول
نـحتفـل بعـيدك
حضور
والـفرح غـاب
مـســؤل
نـنـتـظر مـنك
زهــــور
والــيـوم أبــدى
وأقــول
مـعـقـول غـيابك
شهور
ولا أنت ناسى
الفصول
مـن يـومها راح
السرور
حبيبى مــتى
الــوصول
الشاعر سمير فرج شادي.

((بحبك يا صديقي)).....
___________
أناعارف إنك صديقي
ودايما أنا مشتاق ليك
صديقي واخويا ورفيقي
لو أبعد أرجع أحن ليك
ومشيت معاك طريقي
ولا يوم أبدا أفرط فيك
لأنك صديقي الحقيقي
وبعمري كلة شاريك
نجري ونلعب في المكان
عندنا قدام باب الدار
وجه اليوم كبرنا فيه
وكل واحد راح في مكان
كنت أتذكر اللمه الحلوه
وافضل أفكر في الأيام
والأيام خدتنا وشبنا
والشعر الأبيض غطا راسنا
قلي يا صديقي أنت فين
نفسي أتكلم أنا معاك
واشكي همومي ليك واناديك
أنا فاكرك مش ناسيك
والأيام آهي بتعدي
زي الحلم وازي الاقيك
نرجع نمشي في المكان
والمكان كان فيه بساتين
أصل أنا دايما بفتكرك
ولا فرط في الصحبه الحلوه
لأنك صديقي وانا بحبك
شوفت حلاوة الأيام
بتذكرها كأنها حلم
بحلم بيه ليل ونهار
الشاعر سمير فرج شادي

ســافــر حـــــبـــيــــبـــي
واحـسبه راجع في يـــوم
أتــاري الـــســفــر طـــال
يامن يشوف لـي حبــيبي
يــسألـوا فين أنت فـيـــن
طــولـت غـيــابـك لـــيـــه
أوعي يكون بإيدك حبيبي
لا لا كــفـانــي عــذابــي
سألت عنك كتير أحبابــي
وكــــانــوا بــيــلـــمـــوني
حملت همومك علي همي
واخـــــاف يــــشوفــونـــي
ســــهـــــرت لــــيــالـــي
أفــــكـــر فــــي حـــالــي
هـــوه الـــقـــدر مـكــتـوب
بــاللــــي جــــرا لــــــــي
فــيــن أنـــت حــبـيـــبــي
أرســــل لـــــي جـــــواب
ولــــو فــيـــه الــــعــتــاب
عـــتـــاب الألـــم طــــــال
عـــــلـــــي صــــــــــدري
وانــت نـصـيــبـي ودنـيتي
ياريت تصفح بعطفك حبيبي
ســقتـني كتـيـر مـن مـرك
وصــــــبــــرت مـــــعـــــاك
آخــــــرت جــفـاك دا إيـــه
قــــــل لـــــي عـــلـــيــــه
سـبع سنيــن مـن عـمـري
راحــــــوا فـــــــي هــــواك
جــــدد ودادك حـــبــيـبـــي
وأوصــــــلـــــه مــــــعــــاك
يــمــكــن يكــون فـيه أمــل
بــــالــعــشــــرة ويـــــــــاك
مــــا أظــــنــش حـــبيــبي
مـــلك الأســـــي قـلـوبــنـا
وازاي أعـــيــــش بــــهــواك
أحـــكـــي عــــلــي زمـــان
كـــان فــيــه أمــل وحــنــان
مــــعـــرفــش فــــيـــن راح
تــقــدر تــقــول لــي فـيــن
ســــر وكـــــان غـــامـــــض
أحــــكــيـــه لــمــيــــن أنــا
مــــجـــروح والـــجــرح زايــد
لا لا حــــبــــيــــــبــــــــــي
قـــــطـــعــت الـــوداد لــيــه
مــــعــرفــــش بــيــــك إيــه
مـــحــــتــار أنــا في أمــــري
ســـــاعـــدنــــي يـــا ربـــي
أشـوف أنــا حبــيــبــي فـيـن
الشاعر سمـــيــر فرج شــــادي

الناس تهوى #الكلام
وأنا أهوى #القلوب
ما أجمل ان #تكون
بين الناس #محبووب
كل المهم ان #تصون
وأن القلب يبعث #السلاام
إن فعل الخير شئ #مرغوب
لا أعرف معنى #الخصاام
والخصام مني #مسلوب
وحزني أجعله #أوهاام
أكتب الشٍعرَ #كإسلوب
فيهِ #حب وفيهِ #غرام
فيهِ #جزب وفيهِ #إنسجام
أنا لستُ من الحزن #محــجوب
ولاكني تزوقت من المراارِ #أيـاام
كـــان الحزن عندي #كــمشروب
كــــأني مـفـطـوم من #الــفــرح
والـفـرح مبتسم من هذا #الفطاام
لماذا لا يوجد علاج #للــجــرح
إني أتهم الفرح بتهمة #الإجراام
لأنه يسرق الإبتسامة من النااس
هذا في حــد ذاته #حــــرااام
(اٰلــشٓــــاعِــــر أحمد حامد)

كلمات الشاعر /أحمد حامد
من مصر _البحر الأحمر
رقم تلفون/01159561359
الناس تهوى #الكلام
وأنا أهوى #القلوب
ما أجمل ان #تكون
بين الناس #محبووب
كل المهم ان #تصون
وأن القلب يبعث #السلاام
إن فعل الخير شئ #مرغوب
لا أعرف معنى #الخصاام
والخصام مني #مسلوب
وحزني أجعله #أوهاام
أكتب الشٍعرَ #كإسلوب
فيهِ #حب وفيهِ #غرام
فيهِ #جزب وفيهِ #إنسجام
أنا لستُ من الحزن #محــجوب
ولاكني تزوقت من المراارِ #أيـاام
كـــان الحزن عندي #كــمشروب
كــــأني مـفـطـوم من #الــفــرح
والـفـرح مبتسم من هذا #الفطاام
لماذا لا يوجد علاج #للــجــرح
إني أتهم الفرح بتهمة #الإجراام
لأنه يسرق الإبتسامة من النااس
هذا في حــد ذاته #حــــرااام
(اٰلــشٓــــاعِــــر أحمد حامد)