الشاعر عبد الغفار علي عبد الغفار علي دومه - الجنسيه مصري

الشاعر عبد الغفار علي عبد الغفار علي دومه - الجنسيه مصري
محل الميلاد / محافظة البحيرة - محل الاقامه / محافظة البحيرة
المؤهل / بكالريوس زراعه جامعه عين شمس
معهد فني المختبرات بكليه العلوم جامعه الازهر
العمل / كميائي تحاليل طبيه في مستشفى القاهره الفاطمية التابعه لامانه المراكز الطبيه المتخصصة وزاره الصحه
العضويات الأدبية التابع لها
عضـو رابطه شعرا العامية المصرية - ورابطه مندره فن الواو،، ومجله بنت الشاطي للشعر والادب،،،، وهمس القلوب،،،،، وغيرها الكثير
التكريمات
حاصل على جائزة افضل نص في مجله بنت الشاطي للشعر والادب لاكثر من مره
حاصل على جوائز الاشتراك فى سجال بنت الشاطي للشعر والادب
نماذج من أشعاره
-----------------------------------
الانين
انين اليل ماهوش زنبك
لعبتي بقلبي قام حبك
سهرت الليل مع القمره
اعد نجوم منيش فاهمك
اقوم نايم اقول ساكت
لحظه سهو اقوم رسمك
وانا عايش علي املي
تكونيلي واكون قسمك
وغدر العين في بصاتها
حبيبك مين ومين خصمك
وانا المسكين مانيش حملك
مجيش رمله علي شطك
اكون شاري سواد عينك
تبيعي وقت ما اندهلك
وتيجي بعد ما انساكي
تناديلي اقوم شدك
واقول تاني اهي تابت
واروح تاني واصل ودك
يقوم الكبر يملاكي
لان الموج ماهوش ضدك
الاقي الفرقه في عنيكي
ورفض جديد يكون ردك
وبعد سنين وشعر ابيض
تجيلي والزمن هدك
تعبت خلاص من اللعبه
يمين الله ما انا قدك
-----------------------------------
نفسي
نفسي بكره لما يجي
ابقي واحد مليونير
ابقي عندي قصر عالي
ابقي زي الطير واطير
نفسي بكره لما يجي
يبقي عندي فلوس كتير
ابقي قنصل في السفاره
يبقي عندي 100 عماره
ابقي حاكم في الاماره
ابقي مدرمغ في خير
نفسي ابقي زي شاعر
قلمه في الاشعار خطير
اكتب الكلمات تغني
ارسل الشعر واهني
احضر الندوات وادير
نفسي لمايجي بكره
ابقي شاعر من الكبار
يبقي شعري له شرار
في القاعات ابدا حوار
وابقي للشعراء وزير
نفسي بكره ابقي زيك
يمشي الشعراء بضيك
تبقي اخويا وابقي خيك
وابقي بين ايدك اسير
ابقي بواب تحت بيتك
ابقي فلاح يوم في غيطك
ابقي خدام الاوامر
ابقي لجنينتك غفير
نفسي بكره لما يجي
تبقي صورتي في المجله
تنحنيلي ناس اجله
ابقي من بين الف شاعر
من الي ليهم احلي طله
وابقي للشعراء امير
-----------------------------------
حبيبتي مانتي عرفاني
حبيبتي انت عرفاني
بحبك مش هاقول تاني
وقلبي من زمن عندك
وقلبك تاه في احضاني
وحبك تاه وتوهني
وانا عايش في اوطاني
ونهر الشوق رماني بعيد
وحبي كل يوم بيزيد
واقول فيكي واعيد وازيد
وعاشقك وانتي عشقاني
بعادك شارحه تاه مني
تغيبي قلبي يسالني
وغيرتي عليكي واخداني
تعالي في حضني ضميني
من ايدي يالله وخديني
وجودك جنبب طمني
غيابك شيء بيقتلني
ياريت ما تغيبي لثواني
دا فرحه قلبي وياكي
يا منايا انتي ومناكي
لو عيشت العمر ما انساكي
لو ثانيه كنتي عني بعيده
بعيشها سنين في حرماني
بلاش عتاب علي الماضي
عتابك اصله علي الفاضي
بدايه حبي كان انتي
وقبلك كات مراهقه زمان
مابين فرحي واشجاني
كتبت في السهر قصه
كتبت الكلمه والبصه
كتبت الشعر والقصه
كتبت فيها سحر عيون
هزت فيا اركاني
بحبك وانتي عارفاني
بحبك مش هاقول تاني