الشاعر محمد مكاوى محمد جميل . مصر

الشاعر محمد مكاوى محمد جميل . مصر
تاريخ الميلاد ٩ / ٦ / ١٩٥٨
شاعر عاميه
عمل بمصلحة الجوازات والسفر المصريه
محل الاقامه المنوفيه - شبين الكوم
صدر للشاعر عن دار النيل و الفرات
ثلاثة دواويين مصر سنين و سنين-
ولا عمرى - شعبيات بلدنا
و تحت الطبع بدار الرائدية السعودية ديوان عيون بهيه
ديوان اغلى الاوطان
حاصل على الدكتوراه الفخريه من اتحاد الادباء والمثقفين العرب بالأردن
عضو رابطة الزجالين و كتاب الاغانى
عضو عامل بنادى ادب شبين الكوم
شارك فى العديد من المؤتمرات والمهرجانات الادبيه
عضو بالعديد من المنتديات و الصالونات والمجلات الادبيه
نماذج من أعماله
------------------------
اغلى الاوطان

ولا شوفتش زى
جمالها جمال
وف اى مكان
ولا بسمة ناسها
شهامه اساسها
و طيبه كمان
بيجيلها الضيف
ف الشتا او صيف
وف اى اوان
بالحب تقابله
وبالفرحه
و تاخده بأحضان
الله على ناسك
و عليكى اغلى الاوطان

يا سلام على ليلك
على نيلك و اللون الاسمر
قمرك وناس ولكل الناس
اجمل منظر
و نجوم عاشقين
قبل الفراعين الله اكبر
نيلك دا الخير ليكى وللغير
شهد مكرر
واللى يجرب يركب مركب
بيكون فرحان
الله على ناسك
و عليكى اغلى الاوطان

دى بلدنا حضاره و مناره
بشهادة الناس
حورس اوزوريس
احمس مينا واقفين حراس
توت عنخ امون
لو يتكلم هيقول مواويل
و السد العالى
واقف حارس على شط النيل
ضيفك بيفارقك
و بيبكى و دموعه تبان
و يحن إليكى و يرجعلك
لو عدّا زمان
الله على ناسك
و عليكى أغلى الاوطان
------------------------

لو غير عينى

لو غير عينى
عيون يشوفوكى
قلبى يغير
اى شفايف
لو ينادوكى
عقلى يطير
ايوه بحبك
اتجرأت و جاتنى القوه
عاشق قربك
وانتى اللى ف قلبى
من جوه
اعمل ايه
غير انى اقول
و بعلو الصوت
اصل انا خايف
افضل واقف
عمرى يفوت
------------------------

فرع اللبلاب

فرع اللبلاب مادد ع الباب
باب بيت العيله
لمه و ضليلله
كاتم اسرا من و احنا صغار
نلعب من تحته
و بقينا كبار
فيه اتعلقت اول ما مشيت
من تحته وقفت
يوم ما حبيت
شاف الاجيال بتسلم بعض
ولا عمره ان مال
او جه ع الارض
كان تحت الفرع بنلاقى براحنا
لو يوم دنيتنا
زادت ف جراحنا
جه مره اليوم
بالدمع بكيت
على صوت وصراخ
من نومى صحيت
يا خساره شاخ
و انا بيه مادريت
ازاى بقى يرجع ازاى يا ريت

» الشاعر محمد مكاوى محمد جميل . مصر
» الشاعر محمد فتحى السيد مع الشاعر حلمي إبراهيم
» الشاعر ابراهيم محمد فراج . مصر
» الشاعر محمد عبد الرحمـن أبو الرجـال . مصر
» الشاعر ابراهيم محمد فراج . مصر