الشاعر عبد الله احمد عبد الله . الشهرة عبد الله الهوارى . مصر

الشاعر عبد الله احمد عبد الله . الشهرة عبد الله الهوارى .. الجنسية مصري
محل الميلاد محافظة قنا - محل الاقامة قنا
حاصل على معهد فنى تجارى . ليسانس اداب انتساب
عضو بالعديد من الكيانات الأدبية
له ثلاث دواوين هي
( توب الطيبة ) - ( دمع مذكر سالم ) - ( نحلم ما نحلمش )
نماذج من كتاباته
------------------------------------------
حنينك للشوارع
انينك ف الزحام
ولهيب الشوق ف قلبى
معلمنى الكلام
اخلاص مع حب لكن
الحزن ف قلبى ساكن
وتاعبانى الالام
مشوار محفوف مخاطر
ولا حد عملى خاطر
وعملت نفسى شاطر
بالضحكة والابتسام
ضمير القلب صاحى
ومصحى معاه جراحى
ما وافقش على اقتراحى
وقالى انا رايح انام
قلتله استنى فوق
ما ناقصش القلب شوق
قالى ما تبصش لفوق
وكأن هواى حرام
خلاص ما عادتش تفرق
طول عمر النار بتحرق
وقطر العمر يسرق
ياللا حسن الختام
------------------------------------------
قصاد الشمس المطفية
واقف
ف امبارح
ساند ضهرى على شجرة
ف ريح ضريح
جروح ايامى مهرها
والحد الفاصل ممدود
ف ضهرها
ملزوق بورقة كربون
وسؤال واضح
هو فين بكرة ؟
هو.جه ولا ما جاش
ولا جه وما استناش
وريحة الدم الذكى
معجونة ف النسيم
ودايبة ف ريحة المطارح
------------------------------------------
رافض الموت
جنب الحلم المصلوب
فوق ضهر شجرتك
ورافض الكلام
وملفوف ف توب الطيبة
ورامى نظره بعيد
لاخر بحر الاوهام
وماشى ع السطر الممدود
باكتب شعر
ف حضن الغصن الطارح
عصفور بينقر الثمرة
يملا الدنيا غنا
بلحن ..امل