الشاعر عرفه عبد العليم الجهيني - الجنسية مصري

الشاعر عرفه عبد العليم الجهيني - الجنسية مصري
محل الميلاد سوهاج - الاقامه القاهره
حاصل على المركز الثاني بمسابقه جمعيه ابداع الثقافيه
يكتب الشعر العامي وله رواية ( مسلسل الدوار ) تحت الطبع
من أشعاره
-----------------------------------
ياقطر فين سكتك
واخد الغلابه فين
خد يلي حافي جزمتك
ماشي بلاها لوين
ماشي علي قطر العذاب
عمال بينفخ في التراب
يادنيا سوده لمتك
ملعون ابوها سكتك
هما الغلابه دول ودول
غطت دماهم فرشتك
اصرخ ياخويا ع اللي راح
من المساء حتي الصباح
كل اللي كانوا فرحانين
كل اللي قايل لابنه راجع
وحالف ليه مليون يمين
اني جايبلك لعبتك
انا ليا ايه في الدنيا يابني
غير اني اشوف فرحتك
فرح ابن خالك كمان يومين
راكب معايا وجاي يغني
وبكره هيقول لامه يلا
اديه هي متقومي حني
يافرحه فينك من سنين
قلوبنا دابة علي الحنين
نشبع مرار ونشرب قسا
والعمر راح منا اتنسي
واقفين في زحمه والمرار
شقيان وبتنفس غبار
عمال بعافر وجسمي نحيل
وبسلي روحي بالنخيل
واقف ووشه للسماء
عمال يسابق في القطار
والقطر كله بياعين
ناس غلابه وشقيانين
ومين ياولد يقول لمين
احلامنا مدفون تحت طين
وواحد عمال يضحك هنا
وواحد كمان قاعد حزين
مين غيرنا مين يركب هنا
غير الغلابه المجروحين
وفجاه صوت جاي من بعيد
قلنا القيامه دي اكيد
والرجه كانت مش عاديه
وبسرعه مسكت لعبتك
وحضنتها من بين اديا
والشمس راحت من عنينا
والموت جه خيم علينا
ولقيت عليا كوم حديد
ميتا البكا ميتا الصراخ
هيغير المكتوب اكيد
شفت القصب لما اتعصر
انا كت زيه بين الحديد
مش وحدي كنت
كنا كتير عايشين
بمبني فوق ترابك
ولا عمري خنت
انا كنت فاكر اني كنت
بخدم وشقيان ع العيال
اتارينا نشقي
لاجل ناس متسويش
وكنا فاكرين حقنا
يجيب حتي لو شويش
طلعنا فلصوا ومن ساويش
حتي الكرامه منا راحت
ازي اكون من غيرها اعيش
ااااه ياولد من المرار
لما اتصدم بينا القطار
والمسؤاين سمعوا الخبر
والاسعاف جات اقوووام
والحديد غارز في كتفي
وهما كانوا ياخدوا سلفي
من ميته كانت الاستقاله
دي عقاب للمسؤلين
وتلزق التهمه لعامل
وتنتهي كل الحكايه
وانا دمي سال زي الضحيه
وطلعت انا الجاني عليه
يامصر فوقي ومره بصي
على الغلابه المجروحين
ومدي ايدك مره كفي
جوع بطونا من السنين
مش مسامح لما تدي
الغلان دول ملايين
واحنا نشقا ليل نهار
ع الفتات والملالييم
فوق السرير بشكي يابني
لما ملقوش العلاج
كتر الكلام ايه يفيد
ولا هيغير المكتوب اكيد
جسمي النحيل قام ارتعش
وقعت من ايدي لعبتك
قلت الشهاده مرتين
ونفسي راح مني انسحب
وجسمي ارتاح من التعب
-----------------------------------
يا امة نامت بلا اجفان
حلم العروبة ماله عينان
اين عبيد الله فى محاربهم
لم يبتغوا الاخلاص و للرحمن
ثوب العروبة قد تمزق وصلة
تركو الذئاب بصحبة العزلان
دسو الخديعة فى ابتسامة ثغرهم
اخفوا علين الضرس بخسة وهوان
جعلوا السراب من مياه وضوئنا
وبجهلهم للحق يقتتلان
نبحت كلاب فوق طهر قصورنا
باتت اسود العرب فى الخزلان
رسموا البرائة فى نيوب خبسهم
وفى ساحة البلاء جمعوا القطعان
هذه المذابح قد اعدت لجمعكم
من قبل هذا العام بالف والفان
هذا ما جنيناة من افعال امتنا
حقدا وذلا وطغيانا واذلالا
باتت جموع الامة فوق وسادة
ترجو الخلاص وعينها مدمعتان
سلمت مفاتيح خزائنها حبا
فى يدى خسيس ظالم وجبان
رسموا الطريق كى نسير بدربهم
على حرية معصوبة العينان
لم يتركوا لنا حتى فتات طعامنا
بل سرطنوه ليفسدو البنيان
اخذوا جميع حقوقنا من ارضنا
ويردوا لنا فتفيتهم فى هيئة الاحسان
جعلوا الخلافة فى عقر دارهم
ولا ارى عربيا لها غيران
ياسادة القوم جعلتم مجدنا
عاليا يخبو فى كفة النقصانا
ليس المعيب منكم بعائبا
بل العيب فينا يا امة الاسلاما
فى بحور ظلم ابحرت سفن العرب
ويقودنا جبناء على دفة القبطانا
تاهوا وضاع الحلم بين موجهم
واغرقوا احلامنا بخسة وهوان
هيا ترجل ودع الزمام لاهلة
فيد الله لا ترضى بالنقصان
ياحكام العروبة كفانا منكم
قتل الشعوب ووصفهم جرذانا
الم تعلموا كيف ماتت ملوك قبلكم
جعلها ربى عبرة لموتها باتفة الاسباب
ان اساس الملك عدلا قاسطا
لا ببطش تحكم الاوطان
سليمان ملك الكرامة كلها
وبملكة سارا فى رضى الرحمن
يا امة العرب ان لم تعيدوا مجدنا
ف النار ماوى لااخوة االشيطان
-----------------------------------
منيش عاشقك
منيش عاشقك ولاحابك
علشان فى الكلمة تتعالى
ولاكنتى فى يوم قمرى
ولا حتى النجمه فى العالى
ولا جينا حيدا داركم
ولا جبت عمى ولا خالى
منيش سامع صدى صوتك
ولا من لون عنيكى سحرانى
ولا انت فاكرانى من كلمة
ادوب فى العشق من تانىى
ولااسهر كما العشاق
واشوف الدنيا ظلمانى
انا عايش سنين من غيرك
ولاعمرى هكون طيرك
منيش عاشقك ولا حابك
ولا عمرى هقول ال اه
من وجعى فى نبع احساسى
ولا هسهر بطول اليليل
واجيب قلمى وكراسى
واقول الفكر من راسى
واتوه فى الحب واتالم
د ا انا عالم !!!!! وبتعلم
من الطفل اللى لساتة يتكلم
وانت شوفى غيرى
يكون فى الحب يتحمل
ويتعلق فى حبال الشوق
ويصبر عليك ويكمل
ويمدح محاسن روحك
ويزيد عليها ويجمل
ويعيش فى وهم كبير
ويركع حيداكى ويسلم
وينزف دموع الحب
ولا يقدر لفكرة يتحمل
ويلعن هداكى اليوم
اللى خلى قلبة يتالم
وبقى عبرة لدى العشاق
والكل منه يتعلم