سيره ذاتيه

شاعر عاميه وفصحى..عضو نادى أدب كوم أدلة.. أسوان
لى أربع دواوين مطبوعا
١/ديوان إنتفاضة روح.. شعر عامى
٢/ديوان خير البشر ....شعر عامى
٣/ديوان رباعيات جنوبيه.شعرعامى
٤/ديوان نشيدثوره.........شعرعامى
تحت الطبع..
١/ديوان وتحكى القصائد...شعرفصحى
٢/مسرحية ياغوله فينك مش حمرا..مسرحيه شعريه
٣/ديوان سكربره....شعرعامى

جنوبى أنا
........
أنا أبن السدوجنوبى
وزاهى بالخضار توبة
أنا أبن الغنوه والموال
وياما كلام كتير إتقال
عن بلدى إللى بعشقها
جوه القلب موقعها
وف نن العين لها خارطه
ما هوش تزويق ولا أونطه
نيلها عزب ومسكر
وفيها مصانع السكر
أنا بعشق سهر ليلها
وقبل الندا أنا أجيلها
أوف دين فى رقبتى
ياست الحسن يامدينتى
يا بلد السد والعقاد
يصونك دايما رب العباد
إدفو كوم أمبو وأبوسمبل
معابدها شيئ مذهل
وناسها الطيبه شيمتهم
بسمره الشمس زانتهم
أبيض القلب يانوبى
ازهى من بياض توبى
تفرح تغنى..تحزن تغنى
فنك الجميل بيسحرنى
بلادى يامالكه القلوب
ساحره فى شروق وغروب
والأجمل من كده ناسك
عيونهم هما حراسك
وبكل الفخر والعزه
بقولها وبمنتهى اللزه
جنوبا أنا...أنا جنوبى