' الى كل ام توفاها الله ولم تكن بيننا هذه الايام كى نحتفل بها
____________________________________________
ألف رحمه ونور عليكى
ياللى شلتينى ف عنيكى
ربى يغفرلك ذنوبك
يجعل الجنه ف أيديكى
ياللى علمتينى الكلام
ولحروفى تترجميها
كل حرف الف معنى
ولدموعى فى اى وقت
كنت بتخليها مغنى
الف رحمه ونور عليكى
ياللى شلتينى فعنيكى
كنتى بتعدى الثوانى
صابره على غلب السنين
رايحه جايه تحضنينى
خايفه على نفسى منى
ربى ارحم ضعف امى
وأقبل الصالح من عملها
لو ف عملى خير زياده
أعطى ليها كل عملى
ألف رحمه ونور عليكى
ياللى شلتينى ف عنيكى
بعدك الدنيا سراب
كل حاجه فيها وهم
كل حاجه بالحساب
حتى المشاعر تتحسب
............. خد وهات
اخ ..اخت واد وبنت
....حتى الصحاب
كل واحد بس هات
ألف رحمه ونور عليكى
ياللى شلتينى ف عنيكى