الشاعر مصطفى علي مراد عمار - الجنسية مصري

الشاعر مصطفى علي مراد عمار - الجنسية مصري
الميلاد/ محافظة المنيا - الإقامة / القاهرة . مصر
الصفة/ صحفى وكاتب وقاص وشاعر
صدر له/ قصة عهد مصري
وديوان شعر بستان الكلمات
حصل على عدة جوائز/ من محافل أدبية
نشرت أعماله في صحف/ مصرية وعربية عديدة
نماذج من كتاباته
-----------------------------------------------------
لا عجب
من عجائب بلاد العرب
إن قال المواطن عندهم لا
يصفع بالصرم على قفاه
وإن صمت بالذل مرغما
عليه أن يعيش كالغنم
و إن تنفس في خلاه
تهمة الإرهاب مأواه
فعليه أن يتروى كي يختار
أن يعيش منكس الرأس مهان
أو يلقى للسجان
أو أن يمشي بالجنان
مرددا في الشوارع باليل والنهار
أنا يا بلادي لست جوعان ولا عريان
أنا عميل خائن، صعلوك، جبان
أو أن ينتظر القتل بالنار
كقتل الكلاب بتهمة السعار
-----------------------------------------------------
وداع
وداعا لك دنيا حان لي أن أفنى
في الأربعين ربيعا أنا الآن فيك أحيا
كبر الطفل البريء ومر العمر سدى
***
وانحنى بي الظهر واشتعل الرأس شيبا
ليته كا الفراشات يعود يلهو و لو يوما
إن يصحوا أو ينام فعنه القلم مرفوعا
***
يضحك بقهقهة عالية من القلب مبتهجا
يحضن الكل ويحيا بلا أعداء ولا هما
فيموت قبل الضنى شهيدا بطهره أبيضا
***
فهلا يجدي التمني أم أنني بحسرتي اهذي
فرغم المستحيلات لازلت متمنيا أبكي
مستغفرا للرحمن راجيا بتوبتي حسن الختامي
-----------------------------------------------------
قوموا يا عرب )
قوموا يا عرب قوموا
ومدو الأيد في الأيد
كفاية حزن كفاية عتاب
خلو أيامنا عيد
ومتخلوش العدو في همومنا يزيد
دا ديما للشماتة فينا يريد
أنسو اللي كان
لو فيه خصام
وقولوا صباح سعيد
هو الدم يبقه ميه
دا كل حد فينا
لأبونا إسماعيل حفيد
قوموا يا عرب قوموا
ومدوا الأيد في الأيد
كفاية حزن كفاية فراق
ومتخلوهوش يزيد
قولوا يا جمع تعالوا
ننسى كل خصام
ونحط الأيد في الإيد
قوموا يا عرب قوموا
ومدوا الإيد في الإيد
نلم الشمل شرق وغرب
بحري وقبلي
وبالطول والعرض
وكفاية دم كفاية لبعض حرب
دا ابن فلسطين هناك وحيد
تفتكروا فيه غير العربي
للفروسية شديد
قوموا ياعرب قوموا
ومدوا الإيد في الإيد
والله خسارة
مليون خسارة يا عرب
لو الفراق هيكون معانا
دا العربي فريد
قوموا يا عرب قوموا
ومدوا الأيد في الأيد
كفاية حزن كفاية عتاب
خلوا أيامنا عيد
-----------------------------------------------------
(((((كلمة صعيدى))))))
كلمة صعيدي دي تحمل
معنى تراث أجدادي
وإن دورت على المبدأ والكرم
كتير هتلاقي
بس عمرك ماهتلاقي
زي كرم بيوت الصعيدي
كرم ورجولة يا صعيدي
أنعم عليك بيهم الهادي
دا أنا مشيت بلاد وبلاد
وصاحبت كتير
في كل مكان
كتير جدعان
بس ملقتش شهامة و أمان
إلا ولقيت الأصل صعيدي
فإذا سمعت مدح الناس
ومدحي لعبد الناصر
فدا مش غريب
على أبن بلادي
تلاقيهم من الجيزة للمنيا
و من أسيوط لأسوان
و لبعد حلايب وشلاتين
عند حدود السوداني
هناك اقف وسمعني سلامي
سلام صعيدي شحط محط
على الربابة
وانا بتمخطر ف ارضي
رافع بأيدي العصاية
وصوتي يعلى بالغنا
داحنا الصعايدة يامصر
طول عمرنا رجالة
دايما بني ونعلي فيك
وعمرنا ماخنا عهدك
ولمانعارضك
نقول رأينا بصراحة
ماانتى اللي علمتينا إن ف المحن
تبان الرجالة
ومهما ان داقت عليهاا
تفضل واقفة صلبة
وعمرها ما تطاتي
-----------------------------------------------------
هقول كلمه))
هقول كلمة
يمكن يا غاصب تقتنع وتنسى
وهمك في حلمك الزايف
وتقول ياحق بكل اللغات أسف
دا أنت سمعت كتير
تحذير من الأمم
ومن طفل ماسك في أيده حجر
حالف بالله
ومعاه كل عزيمة وهمم
مش راح ينسى أبدا
حضن فلسطين
أصل ف شريانه دم العرب
ف اى بلد عربي يكون
وبأي دين
ولما سال عمره ما هيروح هدر
في أنهى دين ياناس
و في أنهى مله
أبن البلد يصبح غريب يا دنيا
والمعتدى غاشم وملوش كلمه
ليفكر السلام ضعف ولا ذله
دا كل شيء وله نهاية
وإن طالت حبال الصبر
في يوم هتنقطع وتكون البداية
لنار ما تنتطفى إلا بدم اكتر
تأكل ما تخلى يابسا أو اخضر
بركان براكين اسمه فدائي
يصرخ
أضحى بحياتي بأولادي
وتعيشىى يا فلسطين
عزيزة لأحفادي
-----------------------------------------------------
وفر كلامك
ياللي بطبل وعملي وطني
ارمي الطبلة واتبرع لبلدي

اعتبرها ب لغة الجمع نقطة
ولا انت بس كلام ف أونطة

كفايك بخل ومساندة كدابة
انت من الأغنيا مش م الغلابة

يا مذيع يا رجل أعمال يا وزير
أو ف قصر عالي ساكن أوبطير

مش تقولى صبح عليها يا فقير
افتكرتك تطبطب عليه يا أمير

هو دا الكلام السليم يا مدير
كفاياه الفقير ظلم وأكل حمير

مصر النهردة محتاجة قرض
و عندالفلوس بتبلعكم الأرض

معا ان لو لميتوا من بعضيكوا
هتعدي مصر وترفع أيديكوا

أنتوا معاكوا ألافاات وملاين
ومنكم معاه أكتر يمكن بلاين

خليك شهم وطلع يامعلم
وفر كلامك خلي جيبك يتكلم

مش تقولي طبل وظمر وتسقيف
واختلافات وشتيمه للضعيف

طب اتكلموا عن عدالة التوزيع
أوحد أقصى للمال اللي بيضيع

أو ساعدوا السياحة اللى أضربت
ولا المصانع والشركات اللى خربت

اوحتى احكوا في اللى سرقوا
أو اللي من الضرايب هربوا

اللي لو خدنا فلوسنا هنعدي
ونبني كمان ووكمان ونهدي

يافيلسوف أنا قلت اللي عندي
هم و ورينه شطارتك يا سي غندي

دا الكلام كتير والكل بيحكي
وكلام الفعل هو اللي بيدوي