محَبِة الأوطان ( تم توثيقها )
==========
الوطن عمره ماكان حِفنِة تُراب
زى ماقالها ف يوم حتة غراب
كان ساعتها فِكره رَايح للخَرَاب
والوطن مش بس حتة أرض
الوطن ياناس دا يبقى العرض
والحب ليه واجب علينا وفرض
أصل الوطن عامل كمثل الأم
فى حضنها تاخد الجميع وتضم
وحبها ع الجميع لازم يعُم
ممكن يكون من بين ولادها حد شَارد
فِكرُه غريب أو حتى كُره برضه وارد
تلقى كمان فى الحق واحد شجاع .. مارد
أو واحد جبان خَوَان ماعندوش دم .. بارد
ممكن يكون الطريق فيه الِصعاب
ولا الأمل معجون بطعم العذاب
ولا تلاقى الفرح محجوب بألف حجاب
لكن المهم
الجميع ف الوطن يتلم
الوطن لحياتنا هو البر هوالشط
مهما السفينه تلف تيجى عليه وتحط
بعد التعب والغربه هو الأمان
الوطن حضن الدفا والحنان
وحتلقى فيه الراحه للتعبان
مهما تكون قاسى أو حتى كمان زعلان
إوعاك ف يوم تنسى محبة الأوطان
==================
( محمـد عنانى )
-------------------------------------------------------------------------------------
يا مصر يا سمره ( تم توثيقها )
===============
يا مصر ياسمره
وترابك الحنه
نيلك من الجنه
وجبينك العالى
فوق ف السما يلالى
ربك كمان ف سماه
سبحانه جل علاه
حفظك بكل أمان
إسِمك بقى عنوان
لآيات من القرآن
وف كافة الأديان
وولادك الطيبين
بعيونك مُغرَمِين
صابرين رغم الأنين
باحلم بيهم سنين
ع الحب متعاهدين
على بعض حنين
من بعض مش خايفين
يِنسوا كِتيِر م اللى فات
من جَرح ومن آهات
ويحققوا حلمهم
بكرا يكون مِلكهم
مايكنش فيه أحزان
ولا كُره كله أمان
=========
( محمـد عنانى )
-----------------------------------------------------------------------------------------------------------
ياحسرة على الدماء
===========
ياحسرة على الدماء
سالت لبشر أبرياء
ليس لهم ذنبا جنوه
فيُسلَبوا حق الحياه
قُتِلوا بغيِر جَريرة
من غادر شُلَت يداه
غُدِروا بغير جريمة
من مجرم من الجناه
إرهابهم قد انتشر
طال الجميع حتى الحجر
أفكارهم زيف كذِب
أفعالهم تحوى العجب
تركت لنا نار الغضب
من أى دين هؤلاء
غَدت خِيَانتهم وباء
شيطانهم له الولاء
وللوطن ليس إنتماء
فلربنا كل الرجاء
فى رحمة للشهداء
ولمن قَتَل سوء الجزاء
============
( محمـد عنانى )
-------------------------------------------------------------------------------------------------------------
رَحَلَ الشباب
=========
أواهُ قد رَحَل الشباب
لا يُنتَظر منه الإياب
وغدا لنا ضَعف البصر
لا نرى سوى الضباب
وهنت جميع عظامنا
والشعربالإجمال شاب
من عُمرنا طُويت سنين
وكأنها من السرَاب
كغيامة ليوم صيف من سحاب
وانحنى الظَهر فى الجسد العليل
ومضى قطار العمر ينتظر الرحيل
أحلامنا تهاهت فى ليل طويل
حتى الآمال غرقت فى نوم ثقيل
الكل يصرخ .. إستعدوا للرحيل
ليس هناك من خيار .. لابديل
فرجوع أوهام الشباب يستحيل
===============
( محمـد عنانى )
-------------------------------------------------------------------------------------------------------------
عندى سؤال
========
يابحر عندى سؤال خَطَر على بالى
وانا وَحدِى قَاعد هِنَا سَرحَان ف مَوَالى
مَا تقُوللى إِيه السبب فى مُوجك العالى
هوا صحيح الهوا ولا دا شىء تانى
يِمكَن هُموم عَندَك زَيىِ وبِتعَاَنى
ولا الصحاب فاتوك وصَبَحت وحدانى
ألاقى عندك جَوَاب ولا انت حتدارى
إن كنت مره حَكيِت إحكى وقول تانى
ماتخافش ِ سِرَك ف بير فى وسط أسرارى
======================
( محمــــد عنانى )
-------------------------------------------------------------------------------------------------------------
معنى كلمة أب
========
ما تِعرفش إيه معنى كلمة أب
الأب معناه فى الأساس الحب
والحب دا شعور من عيون القلب
يِبقَى الأب يعنى الحب يعنى القلب
والأب ليه برضه معانى كتيره
صعب تحصرها تتوه فيها
يعنى الرجوله بكل معانيها
حُضن الأمان للأسره ويِحميها
الأب يعنى الأصول
الصدق ويا القول
الأب يعنى الشقا والكد
يعنى المسؤليه وقت الجد
الحب الكبير اللى مالوش حد
الأب يعنى القدوه يعنى المثل
الأب يعنى الحياه يعنى الأمل
أب مش حرفين كِدا وخلاص
نرددهم بدون حب أو إخلاص
الأب أول فرع فى الشجره
ومن غيره مفيش عِيله مفيش أسره
بِندعى ربنا من القلب
يِحفظ لينا كل أب
وطول العمر فاكرينه
وحافظين خيره وجميله
وأما إن كان قابل ربه
الصدقات حتوصله
ونتوسل ف كل صلاه
لرب العرش جل عُلاه
لِكل ذنوبه يِغفرله
ويعفو عنه ويسامحه
==========
( محمد عنانى )
-------------------------------------------------------------------------------------------------------------
هل يُعقَل !!!؟؟
========
هل يُعقَل أن يتمنى الإبن وفاة أبيه
هل نصل إلى هذا الحد
أن يتمنى الموت لمن يرعاه .. ويربيه
هذا يحدث حقا بل هو جد الجد
فالأخلاق اندثرت أو قُبِرَت فى لحد
وبات الأمر عسيرا لا يحتمل الهزل
بل يحتاج دراسته والقول الفصل
ويدور بأذهان الكل سؤال
أين الأسباب !؟ ومن المسؤل !؟
أقسوة أب .. أدلال الأم !؟
أم سوء الأخلاق أهم !؟
أتفكك أسر هو سبب ومهم !؟
أم كثرة مال
غدونا فى كل الأحوال
فى وضع قاس ومُحَاَل
فلنفتح أبواب نِقاش ويطول
لنصل إلى أى جواب من أهل عقول
وعلاج للأسباب وحل مقبول
لانحتمل مزيدا من تأجيل
من وجهة نظرى أعتقد الحل
العَوْد ُ إلى أخلاق الدين هو الأمثل
===================
( محمـد عنانى )