المساهمات : 557 تاريخ التسجيل : 24/01/2019 العمر : 59 الموقع : جمهورية مصر العربية
موضوع: الشاعرة جيهان فتحى ( خنساء الأسكندرية ) مصر السبت فبراير 23, 2019 1:14 pm
الشاعرة جيهان محمد فتحى . مصر وشهرتها ( خنساء الأسكندرية ) ---------------------- حاصلة على بكالوريوس علوم وتربية تعمل بالتدريس لدى وزارة التربية والتعليم نشرت إبداعاتها بالعديد من الصحف والمجلات الأدبية والثقافية لها ديوان ( لقاء الحروف ) إبداع مشترك مع الشاعر محمد فتحى السيد لها أعمال عديدة تحت الطبع . حصلت على العديد من الجوائز والتكريم عضو مجلس إدارة رابطة شعراء العامية المصرية ( سابقا ) أشرفت على إدارة العديد من المواقع الأدبية والثقافية نماذج من إبداعاتها ------------- ( 1 )
لما أكونلك ::: لما أكونلك .. لون الستر .. كل ملامحي بتشبه فجر .. توب شفاف (ما بيكشفش ) .. وألقى جزائي منك بتر !!!!!!!!!! فماتسألش .. إزاي لون الأمل إتغير .. ليه تتحير ؟؟ كل محاق مولود من بدر .. خليك عايش زمن القشرة .. الماسكات مع لون البشرة .. طار النورس من فوق شطك .. لما عطشت !!!!!!! بتطلب عشرة ؟؟؟؟!!!!! إنت الميت .. ندمك كفنك .. وأنا فوق جرحي .. (قمت وعشت ) فما تحلمش .. إن نجومي تاني بالليل .. تبان ف سماك .. حلم الكعبة .. عمره ما تاني هيتمناك .. وأنا هنساك .. قصدي نسيتك .. قبل ما أودع حلم لقاك .. -------------------------- ( 2 ) وبذرة نور وبتدندن ... على وتر الحياه فيَّ .. وحلم البكر جواها .. عاشقها حقيقة وردية .. وبين دمعة .. ونور شمعة .. ضربت العرض ف الطول .. لقيتني حقيقة وهمية .. وبير الخوف بلع خضرا .. براح العمر راح صحراااا .. ومن تاني ... ألاقي البذرة سكناني .. وبتدندن .. على وتر الحياه فيَّ .. وليه إنت ؟؟ يا موجة بحر .. (غريق فيّ !! ) برغم القبلة مش لية .. عشقت الأم ,, وقلب يضم .. فــ وقت الضيق .. لقيت فيّ صدى صوتك .. (المخنوق ) .. لقيت دمعة تقول توأم .. وليك مخلوق .. ------------------------ ( 3 ) كـشـف حـسـاب ... اقفل حساب الهوى والموجة والشطآن كل القلوب تنكوى والرك ع الربان إلا اللي صلى الفجر وبسورة الرحمن لا يهمه بحر حريق ولا حتى مس الجان ... اقفل حساب الهوى وافتح باقي الكراريس وف كل سطر الجوى يحرق كتير متاعيس وافرز نجوم السما مش كل نجمة بهنا ولا كل حب رخيص ... اقفل حساب الهوى وافتحلي شباكي بلطية عاشقة الهوى وياقوتي ف شباكي تحرم قلوب الناس .. وهتافها إلاكي .. دنيا وفيها العجب .. حتى الحنين إنشجب .. وحروفي رفضاكي .. ... اقفل حساب الهوى .. وافتح لي كشف حساب .. ليه الريحان ينداس .. والري طعمه عذاب .. ياسمين كره لونه .. لما هادوه الأحباب .. كل الورود دبلت ,, ولا حتى عطر عتاب .. ده كشفي قفلته حلاص .. بدموعي للوهاب ..