المساهمات : 557 تاريخ التسجيل : 24/01/2019 العمر : 59 الموقع : جمهورية مصر العربية
موضوع: الشاعر وائل المرسي عوض . مصر الإثنين فبراير 11, 2019 2:35 pm
الشاعر وائل المرسي عوض الشهرة . وائل عوض الجنسية مصري . مركز اجا . محافظة الدقهليه صاحب مصنع ملابس يكتب شعر العاميه .. وعضو في نادي أدب . أجا حاصل على المركز الاول اكثر من مره في بعض المسابقات واليكم بعض اشعاره
قصيدة بعنوان \ حكواتي
حكواتي ......... وبحكي حكايات ادباتي ........ وشاعر ف ساعات بتكلم ف الحاضر ....... والماضي وكلامي عمره .......م كان فاضي بس بحالات حكواتي ......... وبحكي حكايات
بوصل بكلامي ......... لحضرتكم من قلبي لغاية ........ باب بيتكم وكلامي بيلمس ......... مشاكلكم بدخل من غير ......... مستأذنكم وبسيب علامات حكواتي ......... وبحكي حكايات
هتكلم ................. بكلام موزون يوصلك ............ فين لما تكون وهتفهم ............. منه المضمون وكلامي .......... هيبقى ف الجون وبدون خلافات حكواتي .......... وبحكي حكايات
ف الاخر ............ بتمنى اعجبكم ويارب ما ازعل ........... سيادتكم والله ف قلبي .............. محبتكم على راسي ............. وبتعلم منكم وبقول سلامات حكواتي ............ وبحكي حكايات
---------------------------
في شرع مين
في شرع مين وف اي دين يا مجرمين موجود الارهاب اللعين إسلامنا دين السلام وإرهابكم دين المارقين في شرع مين
في شرع مين تقتلوا الناس في الشوارع وتفجروا كنيسه وجامع وتروعوا الآمنين في شرع مين
في شرع مين تقتلوا الجنود اللي واقفه تحرس ع الحدود ولا ضابط في كمين في شرع مين
صوت رصاصكم غادر وخاين يضرب ف ظهري ومش باين الغدر طبع كل خاين يا مأجورين في شرع مين
ارهابكم عمره ما يهزمنا ورصاصكم عمره ما يخوفنا ومستحيل يفرقنا اقباط ومسلمين في شرع مين
طول عمرنا واحنا ايد واحده ومتربين على الوحده ولا كنا يوم متفرقين في شرع مين
مصر اكبر منكم ومش هتسلم يوم لكم هي امنا مش امكم وحاميها رب العالمين في شرع مين ... --------------------------- همسة عتاب
عندي يجي كام همسه هقولهم وهمشي طوالي و كلامي لو شديد حبه متزعلشي وعلى راسي ال هقوله دا محبه ووالله عشان غالي
هقول همسه وفيها عتاب لكل الاهل والاحباب بقينا بعاد ... بعاد جدا وبطلنا ندق الباب وحبل الود ال كان بنا ضعيف جدا كأنه داب ولو صادفت وحاكينا كلامنا كله لوم وعتاب
فين العزوه واللمه فين الخال والعمة بتجمعنا بلد واحده بس تحس انها غربه بقينا زي لوح التلج اتكسر لميت حته
فين لمتنا ع الطبليه مع لقمه حلوه وهنيه ويجمعنا طبق بامية والله عليه لو ملوخية وحد يقولي هات بصله والتاني يقولي هات ميه
والبركه طارحه ف ايدينا واقل لقمه بتكفينا والله بقى لو نختمها بحبة شاي ف الخمسينه يا سلام كمان لما تمطر ونقرب أوي من بعض اكتر وراكية نار تدفينا
وهمسه كمان ... لناكر الحق وورث اخته ف بطنه نار ولما تيجي وتحاسبه تقوم عركه كانه تار لو إداها بيظلمها ولو شاري يخسرها ويبخسها ف الاسعار وهمسه للي شاف وماقلشي فضل ساكت ومدخلشي لازم تصلح وتتدخل وقول الحق متخفشي وروح قولها من الاول عشان النار متكبرشي
بتمنى نرجع زي زمان والحب يسكن كل مكان وال مخاصمنا يصالحنا وقلوبنا يطرح فيها حنان تعالوا ننسى خلاقتنا خلونا يلا نعيش ف امان