أبيض ياورد . الشاعر محمد فتحى السيد

أبيض ياورد
فى حضن الفل والياسمين
( قشطه وحليب )
لون قلب أبويا بتاع زمان !!
لون دعوة أمى الطيبه ساعة رضا
لون الندى
( من غيرشوائب عالقه )
............
أبيض ياورد
لون الضمــير .. من غيرعيوب
وبسمة الطفل البرئ ( من غير ذنوب )
بدر فــ تمامه
يهدى كل العاشقين جرعة أمل بعد الغروب
...........
أبيض ياورد
تشبه جيوبى البردانين !!
لون السما فى عيون حبيبتى
توب زفاف فجرى الجديد
حلمى الوليد فى الشرنقه .. صوت الاذان
يفك حبل المشنقة قبل السجود !!
.............
أبيض ياورد
تشبه ضفاير جدتى
ووحدتى وقت الخشوع
لون الدموع فوق الكفن
ع القبر نورك راح يزيد
فتح قووووووووووووووى
ت
ح
ت
ك
شهـيد
_________________
محمد فـتـحى الـسيـد

» أبيض ياورد . الشاعر محمد فتحى السيد
» الشاعر محمد فتحى السيد مع الشاعر حلمي إبراهيم
» فارس الأحلام . الشاعر محمد فتحى السيد
» مش باقي مني . الشاعر محمد فتحى السيد
» كـلـمـة حـب . الشاعر محمد فتحى السيد