الأقوال المأسورة ( أحمد فؤاد نجم )

الأقوال المأسورة ( أحمد فؤاد نجم )
-------------
المجد للشاه

فى الاعالى

وبالناس المذله

وعلى الارض

الخراب

" شاهبور با ختيار "

من سفر ما قبل الخروج

حبيبك وصاحبك

وصاحب حبيبك

كلام كله فارغ

عديم المعانى

اذا الندل صاحبك

يصاحبك لعله

وتسمع كلام

زي كذب الاغانى

وانا اللى اشتريت الخسيس

بالخساره

وبعت الاصيل

اللى يا ما اشترانى

واول ما هبت

رياح النهايه خلعنى الخسيس

من صباعه ورماني

الشاهنشاه رضا فهلوي

من سفر الخروج

اخويا الامير

بزرميط الايرانى

وعظنى ونصحنى

وسلك ودانى

لان اللى نابه

يا حبه عنيا

ما يتيخلوش

أي كاتب اغانى

دا كان لمسه قاعد معايا

النهارده

ولابس خواتم دهب

امريكانى

صحيح الشعوب

بنت كلب ولتيمه

وممكن

تزيح العروش فى ثوانى

" واحد صاحبنا "

من سفر ما بعد الخروج

» شقع بقع ( أحمد فؤاد نجم )
» الأخلاق ( أحمد فؤاد نجم )
» الندالة ( أحمد فؤاد نجم )
» شيد قصورك ( أحمد فؤاد نجم )
» نيكسون جاء ( أحمد فؤاد نجم )